De la que se tea desenvolviendo la muestra van facese Presentaciones de proyectos, sesiones curties onde los creadores pueden mostrar los sos proyectos a los programadores, distribuidores y otros profesionales qu’asistan al alcuentru profesional.

Les presentaciones van realizase na Sala 3 de la Llaboral el miércoles 17 y el xueves 18 d’abril de 15:45 a 16:45 hores.

Condiciones de participación

• Tolos proyectos que se presenten han tar inscritos nel Catálogu de l’Actividá Musical Profesional Asturiana.
• Les propuestes van poder impulsales grupos o solistes; empreses de distribución; promotores de festivales o otros eventos musicales o otres empreses rellacionaes cola música
• Va escoyese un mínimu de 20 presentaciones. El criteriu d’escoyeta va ser l’orde d’inscripción, teniendo prioridá aquellos profesionales que tean interesaos y que depués de presentar los sos proyectos a la convocatoria nun resultaren escoyíos.
• Van tener acoyida proyectos artísticos de toles manifestaciones musicales de formatos, estilos y públicu oxetivu variaos como rock, folk, indie, pop, instrumental, clásica, tradicional, coral, electrónica, esperimental, etc., presentaos por artistes profesionales o promotores o distribuidores de proyectos.
• Namás se va aceptar una propuesta por participante.
• Cada participante va disponer de 5 minutos de presentación y va poder usar material audiovisual de sofitu.

Les inscripciones en les Presentaciones han facese con esti formulariu, del 15 al 25 de marzu del 2024.         

Resolución (27/03/24):

Evaluaes les solicitúes recibíes, resulten escoyíes les siguientes:

Miércoles 17 d’abril:

• Y Griega Servicios Musicales. www.ygriegarecords.com
• Ixuxú Cultura. facebook.com/ixuxucultura
• Susana Gudín. facebook.com/SusanaGudin
• Actos Management. www.actosmanagement.com
• Orquesta Céltica Asturiana.  www.orquestacelticaasturiana.com
• Kalatos Servicios, S.L. www.kalatos.com
• Kairos Music. www.kairos-music.com

Asisten:

Bea Camiña (Produtriz Agency) Sandra Costa (La Costa Comunicació) Lidia Hinojo (Fira Mediterrànea) Armand Llácer (Fira Trovam) Ana Gómez de Castro (Live Nation) David Sierra (Sierra Contratación Artística)

Xueves 18 d’abril:

• María Cueva Méndez. www.lacuevadelpiano.eu
• El Arca de Mozart. www.elarcademozart.com
• Ensemble L´Arca. www.elarcademozart.com
• Prestoso Fest. www.prestosofest.com
• Dixebra. www.facebook.com/Dixebraoficial
• Fabriok. (Fábrica de Ocio y Producción). www.fabriok.com
• Vero Rubio. www.facebook.com/rrubiovero

Asisten:

Sandra Costa (La Costa Comunicació) Bea Camiña (Produtriz Agency) Ana Gómez de Castro (Live Nation) Patricia Hermida (AGEM) Adríán Sepiurca (21 Distritos) Rubén Otero (Luneda)