| ERBÍES I: Desenvolvimientu d’aspectos técnicos y llegales dientro de la propuesta artística |
 |
Patricia Hermida (AGEM/Asociación Galega de Empresa Musicais)
Trabaya dende 1995 na industria de la música desempeñando roles variaos dientro de la cadena de valor, pero na última década centróse sobre manera nel so papel de manager y productora. Trabayó nel desenvolvimientu de carreres d’artistes de sonadía como Susana Seivane o Heredeiros da Crus, ente otros, y participa activamente nel asesoramientu a bandes y artistes, sobre manera al traviés de la Fundación Paideia.
Dende’l 2019 hasta’l 2022 foi co-presidenta del IMMF (International Music Managers Forum) y nel 2016 foi una de les socies fundadores de MIM (Muyeres de la Industria Musical).
Actualmente ye la presidenta d’AGEM (Asociación Gallega d’Empreses Musicales) integrada por más de 50 empreses, col oxetivu principal de valir de motor pal establecimientu d’un diálogu efectivu coles alministraciones públiques na formulación d’estratexes culturales sectoriales.
|
| ERBÍES II: El programador actual na xestión y organización d’eventos musicales. Retos y oportunidaes |
 |
Germán Quimasó (Sonde3)
Director y fundador de Sonde 3 Producciones nel 2001. Empresa española de management, booking y producción de xires internacionales con oficines en Madrid, Barcelona y Santiago de Chile. Representa a Álvaro de Luna, La Pegatina, Macaco, Muerdo y Rayden, ente otros artistes más, y produció xires europees pa Bunbury, Conociendo Rusia, Devendra Banhart, Goran Bregovic, Residente o Youssou N’Dour.
Sonde 3 Producciones dedícase tamién a la producción y dirección artística de festivales. Son propietarios del Festival Río Babel de Madrid y del SanSan Festival de Benicàssim, Comunidá Valenciana. Amás, son responsables de la dirección artística y son promotores del Festival Pirineos Sur de Lanuza, Aragón y del Festival SonRías Baixas de Bueu, Galicia.
Director y fundador nel 2017 de Calaverita Records, discográfica independiente que nestos primeros años yá editó discos de más de 30 artistes, 30s40s50s, DePedro, La Pegatina, Tanxugueiras, Travis Birds...
|
 |
Jordi Lauren (PlayPlan)
Xestor cultural vinculáu a les artes escéniques y creatives con esperiencia en xestión empresarial, fundaciones y asociaciones nel ecosistema cultural. Centráu nos últimos años na xestión de PlayPlan, promotora del Festival SonRías Baixas, qu’ufierta servicios de management y contratación pa bandes como Tanxugueiras, Caamaño&Ameixeiras, Sabela, La Pegatina, Rayden o Residente, amás d’ufiertar servicios de producción, comunicación, marketing, audiovisual, consultoría y soluciones tecnolóxiques.
El trabayu más visible de la so trayectoria profesional desenvolvióse nel ámbitu de la música cómo director de PlayPlan, el Festival SonRías Baixas y l’Alcuentru Music Fest Meeting. Frutu d’esti trabayu, los Iberian Festival Awards destacáronlu col Premiu a la Escelencia en 2021 “como la figura más relevante de la industria festivalera en España y Portugal, pol so papel, visión y enerxía, potenciando’l sector de la música en directo d’una manera dinámica, creativa y positiva”.
|
| ERBÍES III: Equí y Ellí: Creación, desenvolvimientu y afianzamientu d’audiencies musicales |
 |
Georgia Taglietti (The ICNAC)
Georgia Taglietti ye una estratega cultural afincada en Barcelona que, dende va más de 30 años, destacó pola so capacidá pa redefinir tendencies na industria y la comunicación, siempre adoptando medios y tecnoloxíes nueves, y pol so conocimientu fondu del ambiente de les industries creatives y artístiques internacionales.
|
| ERBÍES IV: Ferramientes público/privaes pa desenvolver un proyectu musical sostenible |
 |
Xavier Cester (ICEC)
Xavier Cester ye llicenciáu en Xeografía y Historia y con un postgráu en xestión cultural pola UB, periodista y críticu musical. Dende’l 2019 ye’l director del Área de Música del Institut Català de les Empreses Culturals (ICEC), entidá onde trabaya dende’l 2007. L’ICEC ye una institución pública del Departament de Cultura de la Generalitat de Catalunya que trabaya pal desenvolvimientu y l’afitamientu del sector cultural impulsando a les empreses y a los profesionales de la cultura p’ameyorar la competitividá y la profesionalización. L’ICEC asesora y acompaña a les empreses y los profesionales de la cultura de sectores variaos: les artes escéniques, les artes visuales, l’audiovisual, la cultura dixital, el llibru y la música, y pon a la so disposición ayudes y ferramientes de financiamientu, amás de servicios pa la internacionalización, la capacitación empresarial y el desenvolvimientu de públicos. Al traviés de les sos acciones, l’ICEC collabora na construcción d’un texíu cultural competitivo y de calidá y fomenta, tamién, los vezos de consumu y la xeneración de públicos.
|
