Muestra Llabor

Tuya ye’l proyectu personal del productor y multinstrumentista asturianu David T. Ginzo. Conocíu pol so trabayu pa otros artistes como Christina Rosenvinge, Anni B Sweet, Russian Red, Natalia Lafourcade, Javiera Mena, Sidonie, Desakato, Pablo Und Destruktion o proyectos más averaos de los que formó parte como Templeton, Tokyo Sex Destruction, El Pardo o The Secret Society.

Tres de 15 años fuera d’Asturies, vuelve pa construyir el so estudiu nomáu La Isla Interior, dende onde termina l’últimu trabayu de Tuya hasta’l momentu. La primer referencia de Tuya foi Own, un EP que diba orixinar la formación de la primer banda del proyectu y cola que diba grabar Waterspot nel 2012. Un cambéu na formación y el pasu a la autoedición cambiaron tamién el camín estilísticu del proyectu, apartando sacante escepciones les guitarres con Mountains Moving, editáu nel 2024, hasta abandonales dafechu en A War Is Coming nel añu 2017.

A últimos del 2023 volvió a la escena musical con Proxy, un discu-llibru col que ta de xira anguaño.