Arturo Paniagua - Periodista y creador de conteníu

Arturo Paniagua ye periodista musical y creador de conteníu con esperiencia en radio, televisión y plataformes dixitales. Presentó formatos musicales en Radio 3, Los 40, La 2 de TVE o Movistar Plus, y en toos ellos defendió combinar divulgación, curiosidá y cercanía pa espertar escuches nueves. Nos sos vídeos pa TikTok (135 mil siguidores) y Instagram (54 mil seguidores) busca siempre’l contestu y los detalles que faen especial a la música.

Mer Gil - Estación Fetén

Comunicadora, realizadora audiovisual, especialista n’estratexa dixital y sobre manera, melómana incansable. Estación Fetén ye una estación fecha por y p’amantes de la música con Mer Gil a los mandos, onde comparte reviews, playlist y recomendaciones musicales, xenerando una comunidá afianzada y fiel d’amantes de la música fetén.

Xicu Ariza - Musicaasturiana.com / Ixuxú Cultura

Xicu Ariza ye periodista y xestor cultural. Lleva venceyáu a la música y cultura asturiana dende la so adolescencia, cuando entamó a tocar en grupos y organizar conciertos y iniciatives varies pa puxar pola escena. Tres de tar 12 años emigráu y trabayar como coordinador d’una discográfica d’ámbitu estatal, tornó p’Asturies pa dedicase dafechu a los sos proyectos d’equí: Musicasturiana.com, Ixuxú Cultura y la marca Puru Remangu, de la que ye copropietariu.