Xuntes

Alcuentros comerciales curtios cola mira de promover los intercambeos ente empreses (artistes y promotores o distribuidores) y los programadores y xestores culturales, tentando de favorecer la cooperación y la internacionalización del sector. Trátase d’un espaciu pa construyir y fortalecer rellaciones ente programadores públicos y privaos y propuestes artístiques asturianes.

Los profesionales que quieran participar van poder inscribise al traviés d’esti enllaz, del 25 de febreru al 7 de marzu del 2025. Desque confirmada l’asistencia de los programadores y xestores culturales, amás de la so disponibilidá pa llevar a cabu los alcuentros, la organización va contactar colos interesaos pa zarrar tolos detalles.