Muestra Llabor

Pablo Valdés ye un cantautor con raígaños nel rock. La so música recuerda a artistes como Tom Petty, Quique González, Lucinda Williams... axuntando elementos del rock americanu d’autor cola frescura del pop español. Los sos cantares son medios tiempos con melodíes pegadices y lletres conmovedores.

Nel 2007 ganó’l Concursu de Maquetes de 40 Principales Asturias, poniendo’l puntu de partida na so carrera col single Amor en vena. Nel 2013 proclamóse, xunto a la so banda The Crazy Lovers, ganador del Concursu de Microconciertos de L’Oncle Jack (Hospitalet, Barcelona), lo qu’ayudó a afianzar la so presencia na escena del pop rock independiente. A lo llargo de la so trayectoria Pablo Valdés llanzó dellos álbumes, destacando’l so discu debú Donde nos lleve la carretera que-y dexó xirar per toa España. Pola mor del so décimu aniversariu, Pablo Valdés & The Crazy Lovers grabaron un discu en directo tituláu A todo gas. Anguaño ta en plena promoción del so discu nuevu El faro (2024), un trabayu discográficu con un soníu muncho más indie pero ensin perder la esencia.