Muestra Llabor

Dende les cumes más altes del cordal a las simes más fonderes y escures, pasando pela xungla asturtropical impenetrable, pelos h.ous y cuetos más recónditos de la xeografía asturandina y inclusive dende les lladeres de los volcanes más peligrosos de los Andes, lléguennos estos cuatro músicos a deleitanos cola so mezcla particular y envolvente de cumbia y psicodelia.

Dolfo Montes al tecláu y la voz, frontman y predicador, Kike Planelles guitarrista y chamán espertu, Antón Ceballos baxista y guía espiritual y Diego Reyes baterista, percusionista y santeru son los miembros d’esta agrupación que fai una revisión de la cumbia amazónica de los años 70 y mécenla colos soníos y estilos actuales d’occidente añadiendo tamién lletres asturianes pa crear esti cóctel sonoru enllenu d’enerxía que te va facer baillar ensin parar.