Aaron Zapico - Forma Antiqva

Aarón Zapico ye un director destacáu d’orquesta asturianu, especializáu en repertoriu barrocu y clásicu, conocíu poles sos propuestes innovadores y la so contribución a la recuperación del patrimoniu musical español. La so carrera céntrase na dirección d’ópera y música orquestal, collaborando con solistes internacionales renomaos y en proyectos interdisciplinares que xunten disciplines artísticas estremaes. En 1999 funda Forma Antiqva, conxuntu referente nel sector por tar siempre a la vanguardia.

Marisa Valle Roso - Cantante

Autora y intérprete de la so propia historia, llevó’l folclore astur a otru nivel. Consagrada dientro de la escena asturiana por revolucionar la tonada tradicional y anguaño embarcada nun proyectu nuevu como compositora y intérprete. Nel 2023 foi finalista al “Premiu al Meyor Cantar Camaretá" pol so cantar Tonada y, nel 2025, Marisa va llanzar otru discu, producíu por Juan de Dios Martín, nomináu delles veces a los Premios Grammy Latinos. El discu va siguir influenciáu poles sos raíces asturianes y va cuntar con un repertoriu que manifiesta’l compromisu de l’artista cola igualdá, la tradición y los derechos humanos.

Fernando Arias - Músico

Llicenciáu en percusión clásica pol Conservatoriu Superior de Música d’Asturies y pol Conservatoriu Superior de Música y Danza de París. Tocó o collaboró cola mayor parte d’orquestes sinfóniques españoles y foi timpanista principal d’Uviéu Filarmonía y la Orquesta Filarmónica de Malta. Na so faceta d’inxenieru de soníu y productor musical desenvolvió una carrera llarga produciendo discos de solistes y orquestes. Trabayó como productor pa sellos internacionales y na actualidá rexenta’l so propiu sellu especializáu en grabaciones de clásicu, ARIA classics, col que llevó dellos premios y nominaciones.