Muestra Llabor

Antonio Irún y Los Lobos ye una banda asturiana de pop creada nel 2024 pa dar forma en directo al proyectu en solitario d’Antonio Irún, depués d’una etapa previa nel dúu folk Virginia & the Wolf, col que publicó trés EP. El so álbum debú foi La cara Norte, y nel 2025 empezaron n’Uviéu una xira de presentación de Ciudad Plateada, el so segundu trabayu.

Los conciertos d’Antonio Irún y Los Lobos caracterícense pola so intensidá emocional y cercanía col públicu. La banda alterna momentos íntimos con pasaxes más eléctricos, meciendo sintetizadores, guitarres atmosfériques y lletres que conecten colo personal y lo xeneracional. La puesta n’escena axunta una estética queer y una sensibilidá visual que refuercien y amplifiquen el discursu artísticu del proyectu.

Nel 2025, nomóse a Antonio Irún Artista Revelación nos Premios AMAS, afianzando la so proyección dientro de la escena musical asturiana emerxente.