Muestra Llabor

Tania Pereira, artista asturiana, fusiona los sos raigaños folclóricos con pop esperimental, influenciada por artistes como Bon Iver, José González o María Arnal, guitarres de nylon percutíes con afinaciones abiertes hibriden con bases de percusión electrónica minimalista, vientos y samples creando un viaxe cinemáticu. Estructures simples con voces casi xuxuríes, que lleguen como un golpe d’aire fresco al panorama musical actual. Los sos comienzos parten de collaboraciones con so padre, el tamién cantautor Pedru Pereira, y na banda de folk tradicional Brandal. La so carrera en solitario empieza cuando se muda a Londres y col so primer LP, Un sueño dentro de un sueño, llevó’l Premiu AMAs a la meyor voz. Nel directu ta acompañada de dos multiinstrumentistes, algamando asina un formatu tríu con un directu potente, adaptáu a les escenes variaes y eloxáu por aquellos qu’empiecen a descubrila, como va poco nel Prestoso Fest.