 |
Sekuens - Axencia de Ciencia, Competitividá Empresarial y Innovación Asturiana
SEKUENS ye una entidá pública del Principáu d’Asturies, adscrita a la Conseyería de Ciencia, Industria y Emplegu, executora y cohesionadora de les polítiques del Gobiernu Rexonal y los axentes económicos y sociales, a favor del desenvolvimientu económicu, la investigación, el desenvolvimientu tecnolóxicu y la innovación. La so misión ye trabayar pola medría económica sostenible y resiliente del Principáu d’Asturies, fomentando la inversión empresarial, la investigación, el desenvolvimientu tecnolóxicu y la innovación y favoreciendo la tresferencia de conocimientu pa facilitar la tresformación y diversificación del so texíu empresarial.
|
 |
Asturex - Sociedá de Promoción Esterior Principáu d’Asturies
Asturex naz del apueste conxuntu del Gobiernu del Principáu, la Federación Asturiana d’Empresarios (FADE), les Cámares de Comerciu d’Uviéu, Xixón y Avilés, y Cajastur (actual Unicaja) de crear una empresa que favoreza una mayor presencia de les empreses asturianes nos mercaos internacionales. Los sos oxetivos son, ente otros: l’afitamientu y la medría del númberu d’empreses esportadores, con énfasis especial nel sofitu a les PYMES; el fomentu de la collaboración ente empreses pa la internacionalización; la medría de les esportaciones de sectores y/o productos tradicionales; promover y incentivar les esportaciones de sectores nuevos y/o productos y potenciar les esportaciones a mercaos nuevos.
|
