Muestra Llabor

La espresión "Entós" ye, probablemente, la más común pa una reacción que s’usa n’Asturies. Tamién se refier a un momentu específicu nel tiempu o a una consecuencia lóxica.

Nel 2022, nun alcuentru casual nuna sesión folk, Celia, Adrián y Javi alcuerden quedar un día pa tocar xuntos ensin más aquel que pasalo bien. Lo qu’empezó como una quedada simple nun momentu tresformóse nun proyectu con oxetivos mayores: tentar de ser un esllabón más na cadena de tresmisión de la música tradicional asturiana na so xeneración, dándo-y el so propiu enfoque y calter. El tríu compónse de violín, flauta travesera de madera y bouzouki/guitarra, creando una sonoridá acústica qu’abraza tanto pieces tradicionales asturianes como composiciones orixinales.

La identidá d’Entós asitiase na intersección ente la tradición y la reinterpretación, ufiertando una esperiencia musical que conecta pasáu y presente. Nel 2025 vio la lluz el so primer EP, homónimu, compuestu por cinco temes que reflexen la esencia del grupu: respetu polo vieyo y un espíritu innovador.