Muestra Llabor

Nel 2007, el mundu de la pandereta asturiana vivió una revolución auténtica col discu ¡Sali, L.luna! d’Herbamora. Foron pioneres en llevar esti instrumentu a sonoridaes nunca esploraes enantes, fusionando la música tradicional con electrónica, jazz o rock.

Pasó munchu tiempu dende entós, y nesti periodu producióse una esplosión auténtica dientro del mundu de la pandereta y el baille tradicional: cada vez hai más intérpretes en toa Asturies, calteniendo viva la tradición y al mesmu tiempu innovando. Nesti procesu, hai muncho qu’agradecer a estes cinco muyeres, que vuelven a l’actividá discográfica cola publicación del so tercer trabayu: 286 Llunes.