Muestra Llabor

The Soulers ye una banda asturiana nueva formada por seis músicos con una trayectoria musical amplia. El so soníu ye’l principiu d’un viaxe con paraes múltiples per delles dómines y estilos de la música popular norteamericana, con destín final na actualidá. Nun falten chisgos al jazz, swing y rock and roll de los años 50 (con ciertu toque doowop nos coros) y afóndase en R&B, Soul y Funk de los años 60 y 70 (Aretha Franklin, Etta James, Tina Turner...) con una tendencia a les clares a renovar estos xéneros na onda d’artistes como Amy Winehouse o Imelda May.