Muestra Llabor

Cantautora, multiinstrumentista, compositora, lletrista y fotógrafa. Gallardonada col Premiu Camaretá al Meyor Cantar nel añu 2023, premiu que concede la Conseyería de Cultura, Política Llingüística y Deporte al meyor cantar en llingua asturiana. Nominada a los premios AMAS 2025 na categoría "Otros instrumentos" como trompetista. Con formación y esperiencia en música clásica, amplió los sos conocimientos tocando con dellos grupos asturianos d’estilos variaos y sobre manera, afondando nes harmoníes del sieglu XX al traviés del jazz. Toa esa inquietú y esi camín vense reflexaos na so música. Vou ye un proyectu multidisciplinar onde confluyen palabra, soníu y imaxe. Caúna de les pieces, cantaes o instrumentales, son de composición orixinal y vienen con un videu, tamién orixinal, que les acompaña y amplifica’l so significáu. El discu y el llibru qu’axunten esti trabayu van salir a la lluz ente marzu y abril del 2025.